Unang Pag-ibig

Unang Pag ibig

Nang una kang makita

Ako ay napatulala

Napakagandang dalaga

Na ang kahalintulad ay mutya.

Noong mangyari yan

Tila gusto kong lagi masulyapan

Ang iyong labis na kagandahan

Na para bang pang araw araw ko nang pangangailangan.

Tuwing ika'y nakikita

Dama ko ang gawaing palaka

Napapalundag na may saya

At laging nakadikit sa iyo ang aking mga mata.

Tuwing ika'y sa akin nakatingin

Di ko alam ang gagawin

Napapatakbo na lang sa hiya

At magtatatago kung saan saan na parang bata.

MInsan ika'y masalamuha

Makilala ka yan lang ang aking adhika

Di ko lang magawa

Dahil ako'y natalo na ng hiya.

Kapag ngumingiti ka ramdam ko ako'y buhay na buhay

Araw ko ay walang bahid ng lumbay

Tila mundo ko'y punongpuno ng kulay

Ninais ko na ito sana ay panghabang  buhay.

Kapag nakakasabay ka sa jeep tuwing uwian

Napanganga ako sa iyong kagandahan

Wari ko ay di ko mapigilan
Ang damamin kong tumalon sa sobrang kaligayahan.

Dumating ang araw na magkahiwalay tayo
At gusto kong masundan ka saan man sa mundo 

Malalaman ko rin yan kung saan kang kolehiyo

At malamang dyan din ako kukuha ng aking kurso.

Sanay sa paglipas ng taon ay magkita tayo muli

Kahit na imposible ako pa rin ay magbabakasakali

Wala kang katumbas dahil ikaw ay kapuri puri

Na para bang isang diwata na aking minimithi

Lahat ng bituin aking aabutin

Ano mang daan ay aking tatahakin

Dahil sa mundo ito ay wala na akong nanaiisin

                                                  Kung hindi ikaw at ikaw lang ay mapapasaakin.